অলপতে মিজোৰামৰ চৰকাৰে এক উদ্যোগিক নীতি প্রস্তুত কৰিছে য’ত ক্রীড়াক তেওঁলোকে বিশেষভাবে অন্তঃভূক্ত কৰিছে। উত্তৰ পূর্বাঞ্চলৰ ভিতৰতে মিজোৰামে খেল জগতত অগ্রণী স্থান অধিকাৰ কৰি আছে। বিশেষকৈ মিজোৰামৰ জনসাধাৰণ  অধিক খেল প্রেমী। ভাৰতৰ বিভিন্ন প্রফেশ্বনেল ফুটবল ক্লাৱ সমূহত উত্তৰ পূর্বাঞ্চলৰ যিমান খেলুৱৈয়ে খেলি আছে সেইসকলৰ ভিতৰত  আটাইতকৈ বেছি ফুটবলাৰ আছে মিজোৰামৰ । তদুপৰি ৰাজ্যখনৰ নাম ভাৰতৰ খেলজগ্তৰ বিভিন্ন খেল যেনে হকী, ভাৰোত্তোলন আদিতো আছে।

এই খেল বিলাকৰ উপৰিও মিজোৰামৰ নাম মল্লযুদ্ধ বা আন পৰম্পৰাগত খেলত ভাৰতৰ ভিতৰতে জিলিকি আছে। আমি সকলোৱা  ISL (ইণ্ডিয়ান চুপাৰ লীগ) ৰ নাম জানো। ভাৰতত ফুটবল খেলক জনপ্রিয় কৰি তুলিবৰ বাবে ২০১৩ চনত এই লীগ আৰম্ভ হৈছিল। আটাইতকৈ গুৰুত্বপূর্ণ দিশটো হৈছে যে ইণ্ডিয়ান চুপাৰ লীগত যিমান খেলুৱৈয়ে খেলি আছে, অতি কমেও ১৫০ জন ফুটবলাৰ কেৱল মিজোৰামৰ।